Quā ex fugā cum cōnstāret Drappetem Senōnem, quī, ut prīmum dēfēcerat Gallia, collēctīs undique perditīs hominibus, servīs ad lībertātem vocātīs, exulibus omnium cīvitātum ascītīs, receptīs latrōnibus impedīmenta et commeātūs Rōmānōrum intercēperat, nōn amplius hominum duōbus mīlibus ex fugā collēctīs prōvinciam petere ūnāque cōnsilium cum eō Lucterium Cadurcum cēpisse, quem superiōre commentāriō prīmā dēfectiōne Galliae facere in prōvinciam voluisse impetum cōgnitum est, Canīnius lēgātus cum legiōnibus duābus ad eōs persequendōs contendit, nē dētrimentō aut timōre prōvinciae māgna īnfāmia perditōrum hominum latrōciniīs caperētur.
Gradus IVLitterae
Textus ex ēditiōne Holmes (1914); quantitātēs ad normam ēditiōnis Greenough et rēgulārum nostrārum recognitae. Fontēs et ratiō ēdendī →